التصنيف: مبارك بن شافي الهاجري - قذائف

كلّ عاقل يدوُر للنجاح

ما يخالط جميلٍ في قبيح

والهِمم ما يعلّيها الصياح

لو قضى الآدمي عمره يصيح

كان ما للبلد منكم صلاح

كلّ واحد ببيته يستريح

داعش وحزب الله وبشار

والحوثي اللي دقّ زيره

جمعٍ بنيّة خبث يندار

بس افطنوا منهو يديره

باكر بتكشف كلّ الاسرار

ويبيّن ابليس وخشيره

داعش ومن مثل داعش من جنود الضلال

تحرم عليهم بلدنا ما يمسّونها

حنّا جنود الكويت ان صكّ جالٍ بجال

نعيش في مجدها ونموت من دونها

اصبر ترى الله يحب عباده الصابرين

لا شفت الايام مالت واختلف دلّها

وانظر حواليك في الدنيا شمال ويمين

كم مشكله عند غيرك عجْز ما حلّها

ترى الرضا بالقضا من شيمة الصالحين

عند الله اعمارنا وارزاقنا كلّها

نشهد وكلّ أمة محمد تشهد

انّك لشعبك مثل أبوه الثاني

وان كف جودك يا كريم المحتد

يدري بها قاصي العرب والداني

ما هي غريبة يا صباح الاحمد

لا لقّبوك القائد الانساني

للنار.. للنار يا داعش

من دون هدلان بيّاعه

خلّوا خليفتكم الرّاعش

ينقذكم إن حلّت الساعة

الصمت أخير من الكلام الفاضي

والرجل لولا العقل وش يُبغى به

خلّك على درب المراجل ماضي

والرزق عند الله وسيعٍ بابه