التصنيف: حمود البغيلي - ملحوظة

شبعان ما حسيت في اللي حواليك

ما تلتفت للي نزف همه إدموع

حسود من بخلك مخيط مخابيك

ما مسك البرد وطوى بطنك الجوع

النار تاكل ولا تشبع

كلما تزيد الحطب جاعت

الشر إذا صار له منبع

كل اللي حوالينه إرتاعت

واحذر إذا عشت من أربع

الحقد والروس إذا انباعت

واللي طمع في الطمع يطبع

ونفسٍ لفعل الردى طاعت

الامة اللي صار تاريخها دم

إقر عليها الفاتحة والتحيات..!

صارت على أهل العلم والمعرفة هم

الحي فيها صار من ضمن الأموات..!

لا تحدى البنادق وأنت حربك بسيف

شغل العقل قبل إطب في المعركة..!

ما تطول المعالي كان فكرك ضعيف

لا يغرك ممثل عاش بالفبركه…!!

ما حطم العالم ولا حطم الناس

الا الحسد في كل موطن وديره

وما دمر الإحساس والفكر والباس

إلا الذي ما فيه شيمة وغيره

بعض البشر جاسوس منزوع الإحساس

شره سبق للناس بالشر خيره

شاخت بنا الاذناب واصبح لهم راس

وسيوفهم صارت علينا شطيره

دنيا غريبه رزت انذال وانجاس

وخلت عيال اهل الكرامه فقيره

اهل الذهب وأهل الجواهر والألماس

اليوم خدام أهل النفوس الصغيره

كلما قلنا ارتفعنا

كلما ننزل تحت

لا دوا فاد ونفعنا

لا جهالتنا إنمحت

الجهل زاد وصفعنا

والحمية ما صحت

كم ثمن غالي دفعنا

يوم الأنذال إنجحت..!

بلدنا شمس ترسل نور

بلدنا للفرح رايهْ

بلدنا مسرح وجمهور

طلب حريته غايهْ

بلدنا يحكمه دستور

نصوصه غنت ال نايهْ متابعة قراءة طمع فيها ردي الشور

الناس فازت في اجتماعات الأعمال

وانت اجتماعاتك على جبنة إقلاص

طاقه بديلة فرخت رووس الاموال

وحنا فضايحنا على العام والخاص..!